Գնահատում
Բիզնեսի գնահատումը՝ ընկերության որպես համալիր արժեքի որոշումն է: Գնահատման գործընթացում որոշվում է ընկերության բաժնետոմսերի, բոլոր ակտիվների` անշարժ գույք, մեքենաներ և սարքավորումներ, պահուստներ, ֆինանսական ներդրումներ, ոչ նյութական ակտիվներ, արժեքը: Բացի դրանից առանձին կարող է գնահատվել ընկերության աշխատանքի արդյունավետությունը, նրա զարգացման հեռանկարները և տվյալ շուկայում մրցակցային միջավայրը։
Բիզնեսի և ակտիվների գնահատում պահանջվում է տարբեր իրավիճակներում, որոնք կարող են լինել ընկերության հետագա զարգացման բանալին: Օրինակ՝ բիզնեսի կամ բաժնետոմսերի, ինչպես նաև դրանց մի մասի առք ու վաճառքի գործարքների ժամանակ, ընկերությանը պատկանող ակտիվների մի մասի առք ու վաճառքի գործարքների ժամանակ, ընկերության կառուցվածքի փոփոխման ժամանակ կամ բաժնետերերի միջեւ առկա տարաձայնությունների ժամանակ։ Բիզնեսի կամ բաժնետոմսերի գնահատումը օգտագործվում է նաև ընկերությունների, բիզնեսների կամ դրանց մի մասի միաձուլումների կամ գնման (M&A) ժամանակ:
Նման ռազմավարական կարեւոր գործընթացներում շատ են արժևորվում պրոֆեսիոնալ խորհրդատուները, որոնք ունեն օբյեկտիվ եւ անկախ գնահատման իրականացման տեխնիկական գիտելիքներ եւ գործնական փորձ, ինչպես Հայաստանում, այնպես էլ աշխարհի տարբեր երկրներում:
ԱՍԱՏՐՅԱՆՍ– ի գնահատման թիմի համար, բիզնեսի կամ ակտիվների արժեքը որոշելը միայն բանաձեւային հաշվարկի հարց չէ: Մեր նպատակն է խորությամբ ուսումնասիրել և հասկանալ ընկերության գործունեությունը, իրականացնել դրա աճի մանրամասն վերլուծություն եւ որոշել ընկերության թիրախային ոլորտը եւ դրա զարգացման վրա ազդող ներքին գործոնները:
Մատուցվող գնահատման ծառայությունները իր մեջ ներառում են.
- Բիզնեսի գնահատում՝ շուկայական արժեքի որոշում
- Ձեռքբերման կամ վաճառքի գնի և գուդվիլի արժեքի որոշում
- Ակտիվների՝ անշարժ և շարժական գույք, ոչ նյութական ակտիվների գնահատում
- Կազմակերպությունների բաժնետոմսերի գնահատում
- Պարտավորությունների և բիզնեսի գնահատում համաձայն միջազգային ստանդարտների
- Ներդրումների, ակտիվների և պարտավորությունների արդյունավետության գնահատում
- Գնահատման արդյունքների վերաբերյալ խորհրդատվություն (հաշվապահական հաշվառման և հարկային հաշվառման մասով)։