2021թ. Հայաստանի պետական պարտքն աճել է 1.26 մլրդ դոլարով

ՀՀ վիճակագրական կոմիտեի հրապարակած տվյալների համաձայն 2021թ. վերջի դրությամբ Հայաստանի Հանրապետության պետական պարտքը կազմում է 9.226 մլրդ դոլար։ Վերջին տարում պետական պարտքն աճել է 1.257 մլրդ դոլարով կամ 15.78%-ով։

Միևնույն ժամանակ արտաքին պարտքն աճել է 9.63%-ով կամ 583.23 մլն դոլարով և կազմել 6.643 մլրդ դոլար։ Մասնավորապես, կառավարության արտաքին պարտքն աճել է 10.46%-ով կամ 585.47 մլն դոլարով և կազմել 6.185 մլրդ դոլար, իսկ կենտրոնական բանկի պարտքը նվազել է 0.49%-ով և կամ 2.24 մլն դոլարով և կազմել 457.7 մլն դոլար։

Ինչ կայանում է ներքին պարտքին, ապա այն աճել է 35.3%-ով կամ 673.9 մլն դոլարով և կազմել 2.583 մլրդ դոլար։ Այդ թվում, ռեզիդենտների կողմից ձեռք բերված պետական գանձապետական պարտատոմսեր ծավալն աճել է 31.87%-ով կամ 582.67 մլն դոլարով և կազմել 2.411 մլրդ դոլար, իսկ ռեզիդենտների կողմից ձեռք բերվածարտարժութային պետականպարտատոմսերի ծավալն աճել է 99.42%-ով կամ 80.1 մլն դոլարով և կազմել 160.7 մլն դոլար։