HSBC-ն կարող է լքել հայկական բանկային շուկան

HSBC-ն դիտարկում է Հայաստանում, Թուրքիայում, Հունաստանում եւ Օմանում իր բիզնեսը վաճառելու կամ կրճատելու հարցը․ հաղորդում են լավատեղյակ աղբյուրները:

Ըստ նույն աղբյուրների, այս երկրներում բանկը կատարում է ոչ մեծ գործարքներ և դժվարությամբ է մրցակցում տեղի խաղացողների հետ։ Բանկի այս որոշումը հանդիսանում է ծախսերի կրճատման լայնածավալ միջոցառումների մաս։ 

Հայաստանի Կենտրոնական բանկը այս հրապարակման կապակցությամբ հաղորդագրություն է տարածել, որում մասնավորապես նշվում է, որ HSBC խմբի ղեկավարության հետ պարբերական հանդիպումների ժամանակ մշտապես բարձր է գնահատվել բանկի ներկայությունը և ներգրավվածությունը ՀՀ ֆինանսական համակարգին: Ավելին, բանկի գործունեությունը երկրում գնահատվում է որպես «հաջողության պատմություն»։ 

HSBC Հայաստան բանկը դիմել է ՀՀ ԿԲ-ին՝ որպես կարգավորող մարմնի, գրանցելու նոր տնօրեն, որը կպաշտոնավարի մարտ ամսից: