«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀՀ ՕՐԵՆՔԻ ՆԱԽԱԳԻԾ

ՀՀ կառավարության կողմից ներկայացված «Հայաստանի Հանրապետության քրեական օրենսգրքում փոփոխություն և լրացում կատարելու մասին» օրենքի նախագիծն ունի հետևյալ առանցքային դրույթները.  

• Նախատեսվում է ուժը կորցրած ճանաչել խրախուսական նորմերը, որոնք վերաբերում են քրեական պատասխանատվությունից ազատելուն՝ հարկային և մաքսային հանցագործությունների դեպքում: 
• Բացի դրանից, նախատեսվում է նաև ՀՀ Քրեական օրենսգիրքը լրացնել նոր՝ մաքսանենգություն վերտառությամբ հոդվածով, որի համար սահմանվելու են խիստ պատիժներ, այդ թվում՝ 3-6 տարվա ազատազրկում, կախված արարքի ծանրությունից: 
• Մաքսանենգության դեպքում խոշոր չափ համարվելու է 5 միլիոն ՀՀ դրամը գերազանցող գումարը: 
• Օրենքն ուղղված է բարձրացնելու հարկային և մաքսային կարգապահությունը և կանխարգելելու համապատասխան ոլորտներում հանցագործությունների կատարումը:  

Նախագիծը դեռևս քննարկման փուլում է, ընդունվելու դեպքում ուժի մեջ կմտնի պաշտոնական հրապարակումից հետո տասներորդ օրը: