Հայաստանի Հանրապետության Կենտրոնական Բանկը քննարկման է ներկայացրել «Կրիպտոակտիվների մասին» նոր օրենքի նախագիծ.
Հայաստանի Հանրապետության Կենտրոնական Բանկը հրապարակել է նոր օրինագիծ, որի նպատակն է կարգավորել կրիպտոակտիվների շուկան, պաշտպանել սպառողների իրավունքները և նվազեցնել համակարգային ռիսկերը։ Այս նախաձեռնությունը նպատակ ունի բարելավել Հայաստանի ֆինանսական շուկայի կայունությունը և ապահովել քաղաքացիների իրավունքների պաշտպանությունը կրիպտոակտիվների ոլորտում:
Օրինագիծը ներառում է հետևյալ հիմնական դրույթները.
Կրիպտոակտիվների հրապարակային առաջարկություն և առևտուր: Օրինագիծը սահմանում է կանոններ, որոնք կարգավորում են կրիպտոակտիվների հրապարակային առաջարկությունը և առևտուրը: Կրիպտոակտիվների հրապարակային առաջարկությունը ենթակա է գրանցման Կենտրոնական բանկում, և հրապարակային առաջարկության մասին հայտարարությունը պետք է պարունակի ամբողջական և ճշգրիտ տեղեկություն:
Կրիպտոակտիվների ծառայությունների տեսակներ: Օրինագիծը նախատեսում է, որ կրիպտոակտիվների շուկայում թույլատրելի են միայն որոշակի ծառայություններ, որոնց թվում են կրիպտոակտիվների պահեստավորումը, փոխանակումը, վաճառքը և գնման միջնորդական ծառայությունները:
Կենտրոնական բանկի կարգավորող դերը: Կենտրոնական բանկը ստանձնում է շուկայի կարգավորող և վերահսկող դերը՝ ապահովելով կրիպտոակտիվների շուկայում գործունեություն իրականացնող անձանց համապատասխանությունը օրենսդրությանը: Բանկը իրավասու է իրականացնել մշտադիտարկում, ստուգումներ և կիրառել պատժամիջոցներ խախտումների դեպքում:
Բացառություններ: Օրինագիծը սահմանում է բացառություններ, որոնք վերաբերում են արժեթղթերի և բանկային գործունեությանը և կարգավորվում են այլ օրենքներով:
Տեղեկատվական պահանջներ և թափանցիկություն: Կրիպտոակտիվների շուկայում գործող անձիք պարտավոր են հրապարակել պարբերական հաշվետվություններ և տրամադրել անհրաժեշտ տեղեկություններ Կենտրոնական բանկին՝ շուկայի թափանցիկությունն ապահովելու համար:
Կրիպտոակտիվների տրամադրողների և փոխանակողների գրանցում: Կրիպտոակտիվների տրամադրողները և փոխանակողները պետք է գրանցվեն Կենտրոնական բանկում՝ գործելու իրավասություն ստանալու համար:
Պատժամիջոցներ խախտումների դեպքում: Օրինագիծը սահմանում է պատժամիջոցներ խախտումների դեպքում՝ ներառելով տուգանքներ և գործունեության դադարեցում:
Օրինագծին առավել մանրամասն ծանոթանալու համար կարող եք անցնել հետևյալ հղմամբ` “Կրիպտոակտիվների մասին” ՀՀ օրենքի նախագիծ և հարակից օրենքներում փոփոխություններ կատարելու մասին օրենքների նախագծեր – e-draft.am .