• English |
  • Հայերեն
Գլխավոր ՆՈՐՈՒԹՅՈՒՆՆԵՐ ՀՀ-ում 300 հազար դրամը գերազանցող գործարքները կիրականացվեն անկանխիկ եղանակով

Թեմատիկ Հղումներ

Չկան համապատասխան հաղորդագրություններ

ՀՀ-ում 300 հազար դրամը գերազանցող գործարքները կիրականացվեն անկանխիկ եղանակով

. ՆՈՐՈՒԹՅՈՒՆՆԵՐ

NCP

Հայաստանի Հանրապետության տարածքում ֆիզիկական անձանց միջեւ 300 000 Հայաստանի Հանրապետության դրամը գերազանցող վճարումը եւ վճարման ստացումը բոլոր գործարքների համար կիրականացվի անկանխիկ ձեւով:

ՀՀ ազգային ժողովը երկրորդ ընթերցմամբ ընդունեց կառավարության ներկայացրած օրենքի նախագիծը, որով նախատեսվում է ընդլայնել անկանխիկ գործառնությունների դաշտը:  Նախագծերի փաթեթն ԱԺ նիստում քվեարկությամբ ստացավ 66 «կողմ», 28 «դեմ», 5 «ձեռնպահ» ձայներ:

Կենտրոնական Բանկի փոխնախագահ Վախթանգ Աբրահամյանը նշեց, որ կարգավորումը ուժի մեջ կմտնի փուլային ռեժիմով․ Երևանում 2022թ.–ին, մարզկենտրոններում` 2023թ.–ին, Հայաստանի ամբողջ տարածքում` 2024թ.–ին։ Նրա խոսքով, Հայաստանում վերջին տարիներին գրանցվում է անկանխիկ գործառնությունների և էլեկտրոնային առևտրի աճ, ինչը կապված է ինչպես կորոնավիրուսի, այնպես էլ տեխնոլոգիաների և ենթակառուցվածքների ընդհանուր զարգացման հետ։ 

Նախագծով նախատեսվում է կարգավորել իրավահարաբերություններն անկանխիկ վճարումների մասով։ Այս օրենքով կարգավորվող հիմնական ոլորտներն են ապրանքների դիմաց վճարումը, ունեցվածքի օտարումը, ապրանքների օգտագործումը, աշխատանքների կատարումը, ծառայությունների տրամադրումը, աշխատավարձը և այլն։


«Հիմնական կարգավորումը վերաբերում է հետևյալին. ֆիզիկական անձանց կողմից իրականացվող կանխիկ գործառնությունների շեմը սահմանվում է 300 հազար դրամ։ Այս գումարը գերազանցող ցանկացած գործառնություն պետք է իրականացվի անկանխիկ։ Բացի այդ, սահմանվել են մի շարք ոլորտներ, որտեղ այդ շեմը զրոյական է, օրինակ` պետբյուջե, առողջապահության, կրթության ոլորտներ կատարվող վճարներն ու մուտքերը, իրավաբանական ծառայությունները», – ասաց Աբրահամյանը։


Աբրահամյանը նշեց, որ 300 հազար դրամի շեմն ընտրվել է ուսումնասիրությունների և գործառնությունների փաստացի ծավալների վերլուծության արդյունքում։ Նա ընդգծեց, որ անկանխիկ վճարումներին անցումը թվային տնտեսության ձևավորման մի մասն է։ 

Գրեք Մեզ

Facebook Facebook profile LinkedIn Linked profile
Գրեք Մեզ
Էլ.փոստ. general@crowe.com

Հասցե
Մոսկվայի Տուն Բիզնես-Կենտրոն
Արգիշտի 7, 2-րդ հարկ
0015 ք. Երևան, ՀՀ
Հեռ.
+374 60 53 23 23
+374 99 54 33 88

Հիմնադիր
Ալբերտ Ասատրյան

Facebook Facebook profile LinkedIn Linked profile
Գրեք մեզ.

ՔՐՈՈՒ ԸՆԴ ԱՍԱՏՐՅԱՆՍ ՍՊԸ

Կապվեք մեզ հետ.
  • Հասցե.
    ՀՀ ք․Երևան 0015
    Արգիշտի 7, 2 -րդ հարկ
    Մոսկվայի Տուն Բիզնես-Կենտրոն
    Հեռ.
    +374 60 53 23 23
    +374 99 54 33 88